Сәбит Әбдіхалықов екі жары туралы кино түсіреді

  Қазақстандық шоумен Сәбит Әбдіхалықов жақында "Тату-тәтті" деген топ құрғаны белгілі. Бұрынғы зайыбы Айгүл Иманбаева мен қазіргі жары Алтынай Жорабаевадан құралған дуэт қалаларды аралап, концерттерін де бастап кеткен. Осы бірлестікке қатысты халық арасында түрлі қауесеттер мен болжамдар айтылып жүр. Ел ішіндегі алып-қашпа әңгімелердің ақиқатын ашу мақсатымен, Сәбит Әбдіхалықов кино түсірмек. Жобаны өзі жетекшілік ететін "Қазығұртфильм" киностудиясы өндіреді. "Күндестер" деп аталатын фильмде басты рөлдерде Айгүл Иманбаева мен Алтынай Жорабаеваның өздері ойнамақ. Қазір картинаға сценарий жазылуда екен. Трагикомедия жанрында болады деген кинотуынды биыл шығып қалуы мүмкін.