Жалағаш, Сырдария аудандарының мәжіліс залында «Қоғамдық кеңес мүшелерімен жылды қортындылау» тақырыбында қоғамдық тыңдау өтті.

Қоғамдық тыңдауда Облыстық қоғамдық кеңес мүшесі, қоғам белсендісі Ерұлан Өмірсеріков және Жалағаш, Сырдария аудандық қоғамдық кеңес мүшелері, ҮЕҰ-дар мен аудан тұрғындары қатысты. Қоғамдық кеңес мүшелері мен ұйымдастырылған қоғамдық тыңдауда аудандық жыл бойында жасалған жұмыстарын қортындылау бойынша Сырдария аудандық қоғамдық кеңес төрағасы Омарат Марат, Жалағаш аудандық қоғамдық кеңес төрағасы, зейнеткер, аудандық мәслихат депутаты Сүлейменов Кенжеғара шешілген мәселелерді айтып хабардар етті. Еркебұлан Өмірсеріков облыста көтеріп жатқан «диплом мен ауылға бағдарламасының» қаржы жағын көтеру мәселесін айтып бөлісті және аудандардағы қоғамдық кеңес мүшелерінің төрағалары аудан бойынша атқарған жұмыстарының есебін айтты. Егер əр ауданда қоғамдық кеңес жұмысын, оның мақсаты мен міндеттерін біліп жүзеге асыратын ең болмағанда екі-үш азаматтық қоғамның белсенді өкілі шықса онда бұл заң жүзеге асады. Қоғамдық кеңес демократиясы дамыған мемлекеттерде де бар. Азаматтық қоғам мен биліктің өзара тиімді байланыс тетігі болып табылады деп Ерұлан Өмірсеріков сөзін аяқтады. 2019 жылдың жалпы жұмысы қортындыланып, пікір ұсыныстары бойынша келесі 2020 жылға жоспар жасалды. Сырдария ауданы бойынша белсенділер 2 қоғамдық қабылдау өткізіп көп балалы аналарға, аудан тұрғындардың сұрақтарына жауап берді.