Үстіміздегі жылдың 1 қазан күні Қызылорда қаласы Қорқыт Ата атындағы ҚМУ-нің «Студенттер сарайы» ғимаратында                             «Қызылорда облысының жастар саясаты мәселелері басқармасы» ММ-нің «Рухани жаңғыру бағдарламасын жүзеге асыру бойынша жастар арасында ақпараттық-насихаттық жұмыстарды ұйымдастыру» жобасы шеңберінде «Азаматтардың бастамаларын қолдау қоры» қоғамдық қорының ұйымдастыруымен «Кәсіподақтар – тұрақтылықтың тірегі» атты мұғалімдер форумы өтті.

Шараның негізгі мақсаты қазан айының алғашқы он күндігінде ұстаз мерекесіне орай облыстық кәсіподақтық және жас ұстаздарды төл мерекелерімен құттықтап, ынталандырып, қызмет  барысында жігерленіп еңбек етуіне қолдау бағытында ұйымдастырылды. Айдыны шалхар Арал мен қарт Қаратау етегі Жаңақорған ауданы аралығынан 150 жуық ұстаздардың қатысуымен шара ұйымдастырылды.

Шара барысында ұстаздарға естелікке бағалы сыйлықтар,гүл шоқтары мен аудандардан келген ұстаздар қауымына түскі ыстық тамақ тарту етілді.

Сонымен қатар, ұстаздық жолда еселі еңбек еткен үлгілі мұғалімдерге облыстық кәсіподақ ұйымының арнайы төс белгілері табысталды.