Ұлттық банк «7-20-25» бағдарламасын аясында 2019 жылғы 14 қарашадағы жағдай бойынша ипотекалық қарыз алуға 240,1 млрд теңге сомасына 21 205 өтінім қабылданғанын мәлімдеді. Нәтижесінде 142,7 млрд теңге сомасына қарыз беруге 12 442 өтінім мақұлданған. 

Банк жасаған кестеден аңғарғанымыз екінші деңгейлі банктер арқылы ипотекамен үй алуға ең көп өтініш бергендер Нұр-Сұлтан қаласында 3 903 адам. 718 ақтөбелік отбасы жаңа қонысқа көшкен. Екінші орында Ақмола облысынан 507 отбасының өтініші мақұлданған.  Ал Қызылорда облысында бұл бағдарламаға қатысуға ниет білдіргендердің ішінде 103 отбасы ғана жаңа баспанаға қоныстанбақ. Ең төменгі орында Түркістан облысы ешкімнің несиесі мақұлданбаған. Кестеден аңғарғанымыздай, кейбір қалаларда өтініш берушілер саны көп, алайда түрлі себеппен мемлекеттік бағдарламаға қатысуға жазған өтініштері мақұлданбаған. Бұл бағдарлама шарты бойынша тек жаңадан салынған үйді алуға болады. Өтініш білдірушілердің аз болуына кейбір аймақтарда жаңа баспананың талапқа сай салынбауы да себеп болуы мүмкін. Азаматтардың қаржылық жағдайының төмендігі де әсер етуі бек мүмкін.

 "«7-20-25» бағдарламасы бойынша сұрақтарыңыз болса, «Баспана» ипотекалық ұйымына + 7 (727) 227-20-25 нөмірі бойынша тәулік бойы хабарласуыңызды сұраймыз. Сонымен қатар ипотекалық ұйымның ресми интернет-ресурсында http://www.baspana72025.kz/kz сілтемесі бойынша қосымша ақпаратпен таныса аласыз", делінген Ұлттық банк хабарламасында.