«Сыр Үміті» жастар сыйлығының IT номинациясын ҚМУ магистранты иеленді

Қорқыт Ата атындағы Қызылорда мемлекеттік университеті, Инженерлі-технологиялық институты, «Компьютерлік ғылымдар» кафедрасының магистранты Бағдат Қадырбеков Қызылорда облысы әкімінің аймақ жастарына арналған «Сыр Үміті» жастар сыйлығының «IT» номинациясы бойынша иегері атанды.

Бұл игі бастамаға облыстың дамуы мен өркендеуіне сүбелі үлес қосып, өз саласында жетістікке жеткен 14-29 жас аралығындағы жас буын 3 кезең бойынша сынға түсті. Нәтижесінде IT саласы бойынша әріптесіміз үздіктер қатарынан көрінді.Салтанатты басқосуда оларға сіңірген жемісті еңбектері үшін арнайы номинациялар табысталды.