Тоқсан жылдық тарихы бар Сырдария ауданының жастарынан соңғы кездері жалын байқалады. Ауданның дамуы мен өркендеуіне сүбелі үлес қосып, белсене атсалысуда. Әрине, жастарды жігерлендіру үшін марапат маңызды. Осы мақсатта "Ізет" қоры «Өрлеу» жастар сыйлығын ұсынуды қолға алды. Аудан орталығында  «Болашаққа бағдар: рухани жаңғыру-жастар көзімен!» тақырыбында форум ұйымдастырып, өз саласында жоғары жетістікке жеткен, жоғары санатты мамандықты игерген жастарға атал5ан сыйлық табысталды. Мәселен, полиция сержанты Рахат Аққошұлы, «Сырдария аудандық орталықтандырылған кітапханалар жүйесі» коммуналдық мемлекеттік мекемесінің кітапхана бағдарламашысы Айгүл Сәндібекқызы, Облыстық Дін мәселелерін зерттеу орталығының Сырдария ауданы бойынша ұйымдастырушы маманы Асхат Мейрамбекұлы және бірқатар белсенділер марапатталды.

Шыңғыс Амантайұлының айтулы тағы бір шарасын сөз етсек. Мерейлі мерекеге байланысты “Жаса, жайна, Сырдариям” атты жастарға
арналған лагерь өтті. Екі күнге созылған лагерьде түрлі қызықты тренингтерді тамашаладық. Мәселен, Әсем Жақаеваның «Өзіңді бағалауды дамыту жолдары» атты семинары қатысушылар арасында ерекше есте қалды. Сондай-ақ «Әлеуметтік желінің тиімділігі мен маңыздылығы» жөнінде облыстық кәсіпкерлер палатасының қызметкері Фархад Абжаппаров өз ойымен бөлісті.  Міне, Шыңғыстың бастамасымен бірнеше іс шаралар өткізіліп, қоғамдық өмірге белсенді араласа бастаған жастар қатары көбейді. Тіпті, бизнесін дөңгелетіп, алға қойған мақсатына жеткен жандар да бар. Мәселен, бір адамның сөзі, келесі біреуге септігі тиіп жататыны секілді. Шыңғыс та білімін өзгелермен бөлісіп жүр. Осындай замандастар қатарының көбейгеніне біз қуаныштымыз.