Отқа оранған Австралия: жаңбырға қуанған өрт сөндірушілердің видеосы тарады

  Австралияда апатпен күрес жалғасуда. Бірнеше ай бойы орман өртеніп, адамдар мен жануарлар мерт болып жатқан бұл елде көптен күткен жауын жауды. Желіде австралиялықтардың жауын-шашынға қуанған сәті түсірілген видео тарады. Ол жұртты тебірентті. Видеода өрт сөндірушілер мен жергілікті тұрғындар қуаныштан би билеп, күліп жатыр.
Дегенмен жергілікті өрт сөндірушілер мол жаңбырға үміттеніп отырған жоқ. Ауа райы болжамы бойынша, температура әлі жоғарылайды.
Австралия премьер-министрі Скотт Моррисон оған айтылып жатқан сынға байланысты өрт сөндірушілерге көмек көрсету үшін қаржыландыру көлемін 2 миллиард австралиялық долларға арттыратынын хабарлады.