Нағи ауылындағы наурыз тойы (фото)
Сырдария ауданы Нағи Ілиясов атындағы ауылда наурыз айының 12-жұлдызында Ұлыстың Ұлы күні Наурыз мерекесі тойланды. Артынша екі күннен соң бұлай мерекелеу еліміз бойынша тыйым салынды. Шараға аудан әкімі Руслан Рүстемұлы қатысты. Тіршілігі тату, бірлігі бекем ауылдың шаттық тойына бізде куә болған едік. Баршаңызды Наурыз мерекесімен құттықтай отырып, фоторепортаж ұсынамыз.
Нағи ауылының ақсақалдары
Салтқа сай келін түсті. Бесік салар, тұсау кесер рәсімдері де жасалды.
Батырлар қой көтеруден сынға түсті. Алып қойды 40 рет көтерген жігіт қойды қанжығасына байлады.
Ауыл келіндері жүн түтіп, ұршық иірді
"Ақ әжелер" ансамблі ауылдың ғана емес аймағымыздың мақтанышы
"Алтын жебе" ұлттық садақ ату орталығының сұрмергені Әли Ибрагим тойға арнайы шақырылған екен.
"Алтын жебе" ұлттық садақ ату орталығының сұрмергені Әли Ибрагим тойға арнайы шақырылған екен.
Әли ауыл жастарына садақ атудың қыр-сырын үйретті.
Білекті жігіттер сынға түсті
Палуандар белдесуде
Мерекелеуге шыққан ауыл тұрғындары
Аудан орталығынан келген этно-мәдени орталық мүшелері де тойдың қонағы болды.
Ұлыстың ұлы күнін мерекелеуге ауылдық округ әкімдігі, облыстық жастар ресурстық орталығы атсалысқан. Ауыл тұрғындары мен қонақтар наурыз көжеден дәм татты. Шара соңында облыстық филормония өнерпаздарының концерттік бағдарламасы болды. Барлық ұлттық ойындардың жеңімпаздарына "Мағжан және К" серіктестігі қаржылай жүлделер табыс етті. Наурыз тойын "Qyzylorda" арнасы таспаға түсіріп, бүгін арнайы көрсетті. Батыр ауылындағы салтқа сай дүрілдеп өткен той туралы толығырақ "Ақмешіт жастары" газетінің мерекелік санынан оқисыздар.
Гүлбану МАҚАЖАН
Суретті түсірген автор.
