Алматыдағы орталық аурухананың 182 медициналық қызметкері қауіпті індет жұқтырған
Kyzylorda-news.kz. Алматының қалалық орталық клиникалық ауруханасының 182 медициналық қызметкері коронавирустық инфекция жұқтырған, деп хабарлайды Stan.kz.Бұл туралы Алматының қоғамдық денсаулық сақтау басқармасының өкілдері мәлімдеді.
«Қалалық орталық клиникалық ауруханада барлығы 182 қызметкер коронавирус жұқтырды. Бір тәулікте тағы 35 адамның індетті жұқтырғаны анықталды», – делінген ресми хабарламада.
Бүгінгі күні ауруханға карантинге жабылған.
Еске салайық, бұған дейін аталған аурухананың бір мезгілде 110 қызметкері коронавирусқа шалдыққаны айтылған еді. Одан кейін жұқпалы инфекцияны тағы 37 ақ халатты жұқтырып алған.
Қазір осы жағдайға байланысты тексеріс ұйымдастырылыпты. Ал аурухананың бас дәрігері болса қызметінен босатылған.
