Бүгін Жалпыұлттық аза тұту күніне орай еліміз қауіпті індеттен көз жұмған отандастарымызды еске алып, тағзым етуде. Бұл жағдай тек біздің елді ғана емес, әлемді алаңдатуда. Бұрын ата-бабаларымыздың талай қиын-қыстау кезеңде бастан өткергені белгілі. Бірақ рухы мықты халық талай сынақты сабырмен өткерді. Сондықтан Мемлекет басшысы Қасым-Жомарт Тоқаев айтқандай, бірлігіміз бен ынтымақтастығымыздың арқасында бұл сынақты да бірге еңсеретінімізге сенемін! Қиын сәтте бірігейік, жақсылыққа жұмылайық, ел болашағының жарқын боларына бірге үміттенейік! Сондықтан ел жастарын барынша сақтық шараларын сақтап, сабыр етуге шақырамын!