Шалғай елді мекендердегі зерттеу материалдарын тасымалдау үшін көлік пен қызмет ақысын төлеуді облыс әкімдері қамтамасыз ету тиіс

 Қазақстанда коронавируспен күреске республикалық бюджеттен қосымша 42 миллиард теңге бөлінуі мүмкін.

"Жыл соңына дейін эпидемиологиялық ахуал болжам бойынша ПТР зертханалар қуатының ұлғаятынын ескеріп, ПТР тестілеу қызметіне төлеуге республикалық бюджеттен қосымша 42 миллиард теңге бөлу қажет. Сондай-ақ, зерттеуге тартылған ветеринарлық зертханалардағы 67 маманның іссапар ақысына 170 миллион теңге төленуі тиіс", – деді Цой үкімет отырысында.

Бұдан бөлек, облыс әкімдері ауыл мен аудандардан зерттеу материалдарын жеткізу үшін автокөлік бөлу мен қызмет ақысын төлеуді қамтамасыз етуі қажет.

Сонымен қатар, министрдің айтуынша, үкімет резервінен жеке қорғаныш құралдарына 7,2 миллиард теңге бөлінді. Бұл қаржыға 41 миллион маска, 27 миллион қолғап, 379 мың қорғаныш костюмі мен 1,2 миллион ПТР-тест сатып алынады