Облыстық Қоғамдық кеңес мүшелерінің қоғамдық тыңдауы «Zoom» бағдарламасы арқылы онлайн режимде өтті.

Күн тәртібінде 3 мәселе қаралды. 

Алдымен облыстық Қоғамдық кеңес төрағасы Б.Сайлыбаев кеңес құрамына енгізілген өзгерістер туралы мәлімдеме жасады. Мұнан соң өңірдегі бүгінгі эпидемиологиялық ахуал және коронавирус індетімен күрес бағытында атқарылып жатқан жұмыстар туралы облыстық денсаулық сақтау басқармасының басшысы С.Пазылов және Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары, облыстың бас санитарлық дәрігері Ә.Әбдіқайымова баяндады.

Ауруханалар мен дәріханаларды қажетті дәрі-дәрмектермен қамтамасыз етудің бүгінгі жайы туралы Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің Фармацевтикалық қызметті бақылау бөлімінің басшысы Н.Әділханов баяндама жасады.

Қоғамдық тыңдау соңында Қоғамдық кеңес мүшелері пікірлерін ортаға салып, пандемиямен күрес бағытындағы ұсыныстарын білдірді. Аталған мәселелер бойынша Қоғамдық кеңес атынан облыс әкімдігіне тиісті ұсыныстар берілетін болады.