ҚАЙЫРЫМДЫЛЫҚ – ІЗГІЛІК НҰРЫ
Жастар ресурстық орталығы жанынан құрылған Jas Stars Shieli волонтер жастардың ұйымдастыруымен «Амандықта жолығайық» атты қайырымдылық акциясы өтті.
"Акция аясында Шиелі кентіндегі әлеуметтік жағдайы төмен 4 отбасыға азық-түлік, дәрі-дәрмек таратылды және қаржылай көмек көрсетілді. Осы орайда барша атсалысқан жаны жомарт халыққа, кəсіпкерлер мен ауылдық округ əкімдіктеріне алғыс білдіреміз. Алдағы уақытта ұйымдастырылатын акцияларымызға белсене қатысуға шақырамыз", – дейді ұйымдастырушылар.
Сонымен қатар әлеуметтік жағдайы төмен отбасыларды саралауда үлес қосқан және азық-түлікпен көмек беріп, волонтер жастардың жұмысына қолдау білдірген Гүлзинат Сағындықованың еңбегін ерекше атап өткен жөн.
