БІРЛЕСКЕН ЖОБАЛАРДЫҢ БЕРЕРІ МОЛ
Облыстық жастар саясаты мәселелері басқармасының басшысы Қуаныш Жанұзақов, орталық директоры Бауыржан Мәстеков, қалалық ішкі саясат бөлімінің басшысы Алмасбек Есмаханов қалалық Qosyl Қызылорда жастар орталығының тыныс-тіршілігіне, тың бастамаларына куә болды.
Орталық директоры Сабыржан Кеңшілік мекеме базасымен, кеңес беру бөлмесімен және волонтерлік ұйымдардың қызметімен таныстырды. Атқарылған шара мен алға межеленген жоспарлар жайы тағы бір пысықталды. Кездесу соңында жастардың жаңа жобаларына қолдау толастамайтыны, бірлескен бастамалар жалғасатыны айтылды.
