Нұр-Сұлтан қаласында Мемлекет басшысы Қасым-Жомарт Кемелұның қатысуымен "Birgemiz" волонтерлардың республикалық фронт-офисі ашылды. "Birgemiz" фронт-офисі "ЭКСПО" аумағындағы ArtHUB павильонында орналасқан.

Еліміздің ең үздік еріктілерінің басын қосқан бұл шарада Қызылорда қалалық жастар ресурстық орталығының директоры Сабыржан Кеңшілік Мемлекет басшысы Қасым-Жомарт Кемелұлы Тоқаевқа "Жеңіс" республикалық қайырымдылық жобасы мен бұл бағытта Қызылорда қаласында атқарылған жұмысты таныстырды.

Әлеуметтік осал топтар, ҰОС ардагерлері мен тыл ардагерлеріне бағытталған бұл жоба Қызылорда қаласы аумағында 4 жыл көлемінде тұрақты жұмысын жүргізіп, 100-ге жуық ардагерге тікелей көмегін көрсетуде.

   "Birgemiz" республикалық фронт-офисінің ашылуында ҚР Президенті Қ.К.Тоқаев еліміздегі волонтерлар қозғалысының құрметті елшісі атанды.