Жұқпалы аурулар көрсеткіші төмендеген

Облыста 2018 жылдың 6 айында бірқатар жұқпалы аурулар аурушандығы бойынша эпидемиологиялық ахуал тұрақты.
Облыс тұрғындары арасында туляремия, күйдіргі, сал, тырысқақ, іш сүзегі, қылау, оба, қызамық, көкжөтел, сіріспе, жіті вирусты гепатит Д, Е, малярия, лептоспироз, листериоз, вирусты кене энцефалиті, иерсиниоз, безгек, қүл, құтыру, қызылша, гименолепидоз, трихинеллез, висцеральды лейшманиоз, тері лейшманиозы, ҚКГҚ, иерсиниоз аурулары тіркелмеген.
Аймақта кене шағу жағдайымен жыл басынан бері 708 адам медициналық көмекке жүгінген. Өткен жылмен салыстырғанда бұл көрсеткіш 28 пайызға төмендеген. Облыста Конго-Қырым геморрагиялық қызбасына күдікті 6 науқас анықталды, оның 5-і Қызылорда қаласынан, 1-уі Қазалы ауданынан. Дегенмен, диагноздары зертханалық жолмен нақтыланған жоқ.