ҚОҒАМДЫҚ ҚАБЫЛДАУ ӨТТІ
Өткен сенбіде «Достық үйі» ғимаратында облыстық қоғамдық кеңес алаңында облыс әкімі орынбасарлары мен мемлекеттік орган жетекшілерінің қоғамдық қабылдауы өтті. Аталған іс-шараға Әділет департаменті басшысының орынбасарлары И.Бакишева, А.Махамбетов және департаменттің бөлім басшылары қатысты. Қоғамдық қабылдаудың негізгі мақсаты — қоғамдық кеңестердің құқықтық мәртебесін көтеріп, халық алдында есеп беретін мемлекет қалыптастыру саясатын іске асыру болып табылады.
Департаменттің салалары бойынша тұрғындар тарапынан қойылған сұрақтар жылжымайтын мүлікті тіркеу және басым бөлігі сот актілерінің орындау салаларына қатысты болды. Қойылған сұрақтарға сала мамандары заңдылықтарға сәйкес жауаптарын берді.Қызылорда облысының Әділет департаментінің баспасөз қызметі
