– Жастардың екінші үйіне айналған орталық заманауи құрылғылармен жабдықталған, мұнда кітапхана, коворкинг, фитнес залы, ІТ парк қызмет көрсетеді. Орталық әлеуетімен таныстыру барысында жастардың әрбір идеясын жүзеге асыруына ықпал жасалады. Мол мүмкіндіктер алаңын тиімді пайдалануға шақырамын. Сонымен қатар 11 сынып оқушыларына ҰБТ-ға тегін дайындалуға болады, бұл игі істі мектеп мұғалімдеріне ешбір ақысыз, волонтерлік негізде ұсынып отырмыз. Жастардан керегі тек белсенділік. Білімді бірінші орынға қоятын, жаңашылдықты жатырқамайтын, креативтілікке ұмтылатын жастар қатарына сіз де қосыла аласыз, – деді орталық директоры Б.Мәстеков.