ЖЫЛ ТАҚЫРЫБЫ
Латын қарпіне көшу қоғамда үлкен резонанс тудырды. Бұл Елбасының «Болашаққа бағдар: рухани жаңғыру» мақаласында таяу жылдары қазақ елінің алдына жүктелген 6 міндеттің біріншісі болатын. Яғни қазақ қарпін біртіндеп латын әліпбиіне көшіру. Қазақы орта, қалың қауым Елбасының бастамасын жылы қабылдады. Рас, әр қазақтың қалауы – қазақтың игілігі. Олай болса, латынға көшу – ұлттың мүддесі. Алысқа көз тастап, қол созған қазақтың мұраты деп білейік. Латын әліпбиі бұл – елдің рухын көтеріп, тілдік шекарасын шегендеудің бір қадамы.
