Жыл зерттеуі
Биыл Қорқыт ата атындағы ҚМУ-дың ғалымдары мұнай қалдығын өңдеудің тың әдісін тапты. Өндіріс кезінде құбыр бойында қалып қоятын мұнай қалдығынан қайтадан тауарлы мұнай алудың тиімді жолын ұсынды. Жоба ғылыми-техникалық қызмет нәтижесін коммерцияландыру байқауында үздік деп танылып, грантқа ие болды. Аталмыш жобаны енді бизнес серіктестік пен ғылым қоры бірігіп қаржыландырмақ. Қазір Германияда бағасы 420 млн. теңге болатын арнайы қондырғы жасалуда. Бұл аппарат сағатына 5-20 текше метр қалдықты өңдеп, құрамындағы 95 пайыз мұнайды бөліп алады. Ел экономикасын алға сүйрейтін индустриялды-инновациялық жобаға ұдайы ғылыми жаңалықтар енгізілсе ғана жемісі еселей түспек.
