ЖАҢАРТЫЛҒАН БІЛІМ БЕРУ
Н.А.Ахмадеева атындағы №112 орта мектебінде қалалық білім бөлімі мен «Өрлеу» АҚ филиалы облыстық педагогика қызметкерлерінің біліктілігін арттыру институтымен бірлесіп, «Жаңартылған білім беру мазмұны: ізденіс және тәжірибе» тақырыбында семинар өткізді.
Семинардың ашылуынан кейін, мектеп фойесінде «Ұлы даланың жеті қыры – ұрпаққа ұлағат» және «Робототехниканы тізгіндеген өрендер» атты көрме өткізілді. Көшбасшылықты дамыту курсынан өткен ұстаздар «Жаңартылған білім беру бағдарламасы бойынша оқудағы кедергілерді анықтау» тақырыбында коучинг жүргізді. Физика пәнінің мұғалімі М.Уәлиеваның 7 сынып оқушыларына өткізген ашық сабағы жоғары бағаланды.
Жанар Садықова
