Мәжіліс депутаттары Қазақстан үкіметінің жаңа құрамы қашан құрылатынын айтты. Мәжіліс депутаты Александр Сусловтың топшылауынша, тоғыз министрлікке жаңа басшы келуі мүмкін, деп хабарлайды Sputnik Қазақстанға сілтеме жасапStan.kz.

«Бүгін комитеттер (мәжілістің – ред.) өз министрлерін қарастырады. Меніңше, шамамен 9 министр», – дейді Суслов. Ал депутат Бақтияр Мәкеннің сөзінше, мемлекет басшысы Нұрсұлтан Назарбаев әлеуметтік саланы жақсартуға баса назар аударып отыр.
«Президент 12 (министрлік – ред.) деген санды атады. Үкіметте әлеуметтік саланың басшылығында өзгерістер болуы мүмкін
Қазіргі бағыт жалғасуы ықтимал. Бүгін мемлекет басшысы депутаттардың және үкіметтің проблемалық мәселелерді сол жаққа барып, орнында шешу керектігін нақты айтты. Бұл тұрғыда үкімет әлеуметтік мәселелерді шешуге деген көзқарасты өзгертуі керек шығар», – дейді Бақтияр Мәкен.
Сонымен қатар ол министрлер кабинетінің толық құрамы 27 ақпанда өтетін «Нұр Отан» партиясының съезіне дейін құрылатынын айтты.
Айта кетсек, бүгін мәжіліс депутаттары үкімет басшысы қызметіне Асқар Маминнің келуін мақұлдады. Олардың пікірінше, Мамин мемлекет басшысының тапсырмаларын орындай алады.