"Өздеріңіз білетіндей, өткен жылы көп жұмыс атқарылды. Ұйымдастыру іс-шаралары аяқталып, басым бағыттар анықталды. Жаңа латын әліпбиі қабылданды. Қазақ тілінде "і" әрпі бар, мысалы – іні, ілім. Сондай-ақ, латын алфавитінде де тура сондай әріп бар", - деп атап өтті Президент.

    Қазақстан Президенті жаңа қазақ алфавитін кешіктірмей енгізу керектігін ерекше атап өтті.

    "Біздің "е" деген әрпіміз ағылшын тілінде "и"-ді білдіреді. Неге соны пайдаланбасқа?! "и" мен "й" әріптерін бір таңбамен жазғымыз келеді ма, нүктелерсіз? Бұл қалай болады? Зерттеу керек. Мәселелерді толықтай шешуге жақындап қалдық. Сондықтан латын алфавитін көп кешіктірмей енгізу керек", - деді Нұрсұлтан Назарбаев.

    Еске салсақ, Қазақстан Президенті Нұрсұлтан Назарбаев 2017 жылы 26 қазанда қазақ әліпбиінің латынша нұсқасын бекітті.

    Мемлекет басшысы Нұрсұлтан Назарбаев өткен жылдың 1 желтоқсанында "100 жаңа есім" жеңімпаздарымен кездесуі барасында еліміздің не себепті латын әліпбиіне көшіп жатқанын түсіндірген болатын. Елбасы латын қарпімен бірге интернет, ғылым мен мәдениет тіліне енетінімізді нақтылап айтқан.