Жапонияда жасалған әлемдегі ең кішкентай зымыран осы жылы ақпан айында ұшты. Ол орбитаға жасанды серікті шығара алатын ең кішкентай зымыран болып табылады, деп хабарлайды Baq.kz ақпарат агенттігі ria.ru сайтына сілтеме жасап.

Оның ұзындығы бар болғаны 9,5 метр болса, диаметрі – 50 см, ал салмағы – 2,6 тонна. Қазір ұшып жүрген зымыранның ішіндегі көлемі ең кішкентайы осы.

Ракета көлемі кішкентай болғандықтан, оның жасалуы мен ұшырылуына көп шығын кеткен жоқ. Оған 400 миллион иен (3,47 миллион доллар шамасында) ғана қаражат жұмсалды. Бұл әдетте ұшырылатын зымыранға кететін шығынның жүзден бір бөлігін ғана құрайды.