NASA ғарышкері Джон Янг көз жұмды
Астронавтың қайтыс болғаны туралы NASA Twitter парақшасында жазылды.
АҚШ-та зерттеуші-астронавт Джон Янг қайтыс болды.
«Джон Янгтің дүниеден озғанына қапалымыз. Ол 87 жаста еді. Айға екі рет ұшып, оның бетімен жүріп, алғашқы «Шаттл» кемесінің бортында болды», - делінген хабарламада.
Джон Янг «екінші астронавтар тобының» мүшесі болған және осы топта ғарышқа ұшқандардың алғашқысы еді. Бірінші ретте «Джемини-3» кемесінің екінші ұшқышы болды. Екінші рет «Джемини-10» кемесінің командирі болып ұшты. Джон Янг Ай айналасындағы орбитаға шыққан екінші астронавтар үштігінде болды.
