Жапонияда жауған қалың қар жергілікті жұртты әуреге салды. Ел астанасы Токиода 70-ке жуық тұрғын жарақат алған. 300-ден астам әуе сапары кейінге шегерілген. Ауа райының қолайсыздығына байланысты теміржол қатынасы да іркіліспен жұмыс істеп тұр. Ал метеорологтардың болжамы көңіл көншітпейді. Олар: «Алдағы күндері де қар жауады», – деп топшылайды. Осы ретте жергілікті билік тұрғындарды сақ болуға шақырды.