«Қызылорда – Мәскеу» әуе бағыты ашылды

т
о:16 шілдеден бастап аптасына 4 рет (дүйсенбі, сәрсенбі, жұма, сенбі күндері) «Мәскеу – Қызылорда – Мәскеу» жаңа әуе бағыты өз жұмысын бастады.

«Биылғы мамыр айында «Қорқыт ата» әуежайының қызметкерлері Авиациялық аэрофлот мектебінде арнайы оқудан өтіп, А320/321 әуе кемесінің техникалық қызмет көрсету даярлығын тексеруден өткізді. «Аэрофлот» компаниясы арқылы ұшу басқа әуе компанияларымен салыстырғанда біршама арзан», – деді облыс әкімінің орынбасары Серік Сүлейменов.

Кесте бойынша ұшақтың келу уақыты – 06:10, ұшу уақыты жергілікті уақытпен – 07:20. Сатып алған уақытына қарай бизнес-класс билетінің бағасы – 167 000, эконом-класс 26000 теңгеден басталады.