» » Қазақстандықтар утилизацияға қанша көлік тапсырды

Қазақстандықтар утилизацияға қанша көлік тапсырды

 Елімізде ескі көліктерді сатып алу бағдарламасы аясында 46 мыңнан астам автомобиль утилизацияға тапсырылды. Соның ішінде 7 мың адам ақшаны емес, жеңілдік куәлігін таңдады. «Оператор РОП» ЖШС ұсынған мәліметке сәйкес, 2016 жылдың 21 қарашасы мен 2017 жылдың 28 желтоқсаны арасында республика бойынша 39 742 ескі көлік қабылданды. Аталған бағдарламаның екінші кезеңі - автосалондардан жаңа көлікті сатып алуға жеңілдік беретін куәліктер жүйесі аясында тағы 7 095 көлік утилизация орталықтарына жеткізілді. Жалпы, 46 837 көлік тапсырылды. Айта кетейік, бүгінде ескі көліктерді утилизациялау бағдарламасы бойынша қолма-қол ақшаны немесе жеңілдік куәлігін алуға болады. Қолма-қол берілетін ақшаның сомасы 150 мың теңгеге дейін жетеді. Ол автомобильдің комплектациясына байланысты. Ал жеңілдік куәлігі көліктің моделіне (жеңіл көлік, жолаушылар пен жүк көлігі) қарай 315 мың теңгеден 650 мың теңгеге дейін беріледі. Екі куәлікті қосып, автосалоннан бір көлік алуға да болады. Жеңілдік куәлігі 12 айға дейін жарамды.  


29 желтоқсан 2017 ж. 1 090 0

PDF нұсқалар мұрағаты

46-375

19 қараша 2020 ж.

45-374

12 қараша 2020 ж.

44-373

05 қараша 2020 ж.

Жаңалықтар мұрағаты

«    Қыркүйек 2022    »
ДсСсСрБсЖмСбЖс
 1234
567891011
12131415161718
19202122232425
2627282930