Жуырда, Байқоңыр қаласындағы   №277  орта мектебінің кітапханасында    қаладағы  қазақ мектептерібірлесе отырып,Елбасының  «Болашаққа бағдар:рухани жаңғыру»бағдарламасын басшылыққа ала отырып,кітаптың рухани құндылық,теңдессіз байлық екенін ,кітапхана-оқырман мен кітап арасындағы алтын көпір екенін,жаңа заман компьютер дәуірі болғанымен,рухани азық іздеген көзі ашық ,көкірегі ояу әрбір адамның келер шаңырағы кітапхана екенін дәлелдеу,соған оқырмандардың көзін жеткізу мақсатында, аудандық білім бөлімінің әдіскері Есханова Лаззаттың бастамасымен  аймақтық семинар өткізілді.

«Кітапхана – кітап пен оқырман  арасындағы алтын көпір» атты семинардағы әр мектептің  өткізген жұмыстарынан ,кітапханаға оқырмандарды тартудың жаңаша түрлерін пайдалана отырып,құндылықты  бағалауға, жауапкершілікке,адамгершілікке,білімділікке баулудағы үлкен тәрбиелік мәнін сезіндік.

 Семинарда: .Байқоңыр қаласындағы №273 орта мектебінің кітапхана меңгерушісі- Тұрғанбаева Гүлсім «Ғаламтор және кітап» пікір-сайысын қызықты қылып өткізсе,№274 орта мектебінің кітапхана меңгерушісі-Акишева Хадиша  ұсынған «Жаңа кітап – жаңа ой» библиофреші көпшіліктің кітапқа деген  қызығушылығын арттырды.№272 орта мектебінің  кітапхана меңгерушісі-Нұрова Патшагүл ұйымдастырған поэтикалық марафондаақиық ақын – Мұқағали атамыздың өлеңдерін оқушылар іліп әкетіп оқығандағы әсерден шыға алмай отырған көпшілікті ,  №275 орта мектебініңкітапханашы- Махамбетова Мақпалдың «Таныс болыңыздар ,жас толқын» флешбук  арқылы  мектеп қабырғасындағы 11 сынып оқушысы Әнесова Айгүлзардың  фантастика жанрындағы «В побеге от реальности» кітабының тұсауын кесуі дүр сілкінтті.

 Ал,№277 орта мектеп  кітапхана меңгерушісі – Жаримбетова Зарипаның  кітап пен оқырманды табыстырудың тағы бір жолы  ретінде «Буккроссинг» (кітап алмасу)  жаңа  жобасын таныстыруы оқырмандарға өзгеше қозғалыс,ерекше ынта бергендей болды.

Семинарсоңында аудандық білім бөлімінің әдіскері Есханова Лаззат  әр  жұмысқа тоқталып, қорытындылап,  «өте жақсы» деген баға беріп, аудандық білім бөлімінің марапат қағаздарын  тапсырды.

Өз мамандықтарының майталманы кітапханашыларға  және Лаззат Есханова апайға әрдайым шаршамай ізденіс үстінде болып,еңбектерініздің жемісін  теріп,жаңалық жаршылары болып жүре беріңіздер  дей отырып,көктем мерекесімен құттықтап,зор денсаулық, толағай табыс тілеймін.