» » Еркектің бағасы

Еркектің бағасы

Киім және келбет
   Қазіргі таңда мода әлемінде галстук тағу – ең қажетті аксессуардың бірі. Себебі қандай да бір жиналысқа бара қалсаңыз, қоғамдық көлікте, базарда галстук таққан жасты көресіз. Мемлекеттік қызметкер кездесуге галстуксіз келсе, ол кездесудің бейресми жағдайда өтетінін байқауға болады. Олар тіпті галстуксіз өз өмірін елестете алмайды. Галстук қазақ жұртында да, сондай-ақ сырт әлемде де қатты құрметтеледі. Оның ежелден қалыптасқан дәстүрі, өзіндік тарихы бар. Галстуктің әуелгі нобайы көне Мысырда пайда болған деседі. Бұл арқылы иесінің әлеуметтік мәртебесі айқындалған. Мойынбаудың алғашқы үлгісін қытайлықтар таққан. Галстук тағу – бейресмиліктің белгісі. Десе де оның зиянды тұсы бар. Бүгінде оған қарап жатқан жан жоқ.
     Италияның Денсаулық сақтау министрі Ферруччо Фацио мемлекеттік қызметкердің галстугі ешқашан жуылмайтындықтан, зиянды микроб таратушы деп есептеген. Осылайша Италияның денсаулық сақтау саласындағы қызметкерлер галстук тақпайды. Ал Жапонияда «Жұмысқа – галстуксіз» жалпы ұлттық үрдісі басталған. Америкалық зерттеушілер  галстукті ұзақ уақыт және қатты етіп байлау түбі көзден қалуға алып келеді деп тұжырымдаған. Көздің нашарлауы мойын күретамыры мен майда тамырлардың қысылуынан туады. Оның міндетті түрде көз тамырларына әсер ететіні анық.
 Жалпы галстук деген сөздің өзі орыс тіліне неміс тілінен еніпті. Halstuch «мойын орамал» деген ұғымды білдіреді. Бірақ оның төркіні француздың cravate деген сөзінде жатыр. Ілкі замандағы жорықтар кезінде француздарға хорват салт аттыларының мойындарына орамал байлап келгені қатты ұнапты. Бұлар: «Бұл не өзі? деп сұраса, олар «кім екенімізді білгісі кеп тұр» деп ойлап қалып, «хорват» деп жауап беріпті. Содан галстуктің әдепкі аты француз тілінде «хорват» аталған. Тіпті, осыдан кейін бұл ұғым Еуропаның бірқатар тілдеріне көшкен. Мысалы, немісше krawatte, испанша corbata, украин тілінде краватка, румынша cravat делінеді.
Галстукті француздың ұлы жазушысы Оноре де Бальзак қатты қадірлеген. Ол «Галстук тағу өнері» деген кітап жазып, мойынбаудың эстетикалық қажеттіліктерін егжей-тегжейлі баяндаған. Оны айтасың, «Мужчина стоит того же, что и его галстук – это он сам, им он прикрывает свою сущность, в нем проявляется его дух» деп аталы сөз қалдырыпты. Зерттеушілердің айтуынша, қазір галстук байлаудың кемінде 85 түрі бар екен. Ең танымал галсук «Кент», «Кельвин», Пратт», «Қасиетті Андрей», «Манхэттен», «Плацбург», «Диоганаль», «Кавендиш», «Балтус, «Аскот», «Висмара» болып табылады.  Оноре де Бальзак: «Еркектің бағасы галстуктің құнындай ғана. Ер адам галстукпен өзінің болмысын бүркемелеп тұрады» деген екен.
Түйін: 2016 жылы аймақ басшысы жастармен еркін кездесу өткізді. Онда жастарды толғандырған мәселелер талқыланып, ұсыныс-пікірлер тыңдалды. Үш сағатқа созылған кездесуге облыс әкімі галстуксіз келді. Бұл іскер азаматтың бір сәтке болса да билік айтуға емес, жастармен тең отырып, қатар-құрбыдай сөйлесуге, сырласуға келгенін аңғартады. Галстукпен келген кейбір атқамінерлер аймақ басшысынан үлгі алып, жаппай галстуктерін шешті. Қ.Көшербаевтың іс-әрекеті жігіттерге үлгі болса нұр үстіне нұр болар еді. Себебі екінің бірі қажет болса да, болмаса да галстукпен жүретінді шығарды.
Мөлдір САБЫРЖАН
08 маусым 2018 ж. 994 0

PDF нұсқалар мұрағаты

46-375

19 қараша 2020 ж.

45-374

12 қараша 2020 ж.

44-373

05 қараша 2020 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031