Қандай жұптар көбіне ажырасады – зерттеу
Ұлыбританияның ғалымдары қандай жағдайларда үйленген жұптардың көбіне айырылысып жататынын анықтауға тырысты. Британдық экономистер Эндрю Фрэнсис-Тан мен Хьюго М. Миалон 3000 үйлену жағдайын сараптамадан өткізіп, неке сақинасына жұмсалған қаражат пен ажырасу мүмкіндігі арасында түсініксіз байланысты анықтады. Сонымен, олар неке жүзігіне көбірек шығынданған жұптар жиі айырылысып кетеді, дейді. Ғалымдардың айтуынша, неке сақинасына 1500 фунт стерлинг жұмсаған жұптар өздері үшін қарапайым жүзікке басымдық берген жұбайларға қарағанда жиі айырылысып кетеді екен.Бұл принціп кейінірек тойға қатысты да дәлелденді, яғни тойға көбірек шығынданатындар да айырылысып жатады екен.
«Той жасауға 15 000 фунт стерлингтен көп қаражат жұмсаған жұптар өзгелерге қарағанда 1,6 есе жиі ажырасып кететін болған. Ал, той шығыны 753 фунт стерлингтен аспаған жұптардың көтерген шаңырағы берік болған», - дейді жұмыс авторлары.
Олардың айтуынша, сән салтанаты жарасқан тойды ұйымдастыруға қаржының болуы оның ұйымдастыру жұмыстары да көп уақытты алатынын білдіреді. Ал той деп жүргенде адамдар шынайы қарым-қатынастан қол үзіп қалады. Алайда, той бітіп күнделікті күйбең тіршілік басталғанда олар қасындағы жұбын толығымен тани алмағанын, оның ол ойлағаннан басқа адам екенін біліп, көңілдері қалады.
