Сот қызметкерлері жеңіс тұғырында
«Мемлекеттік қызметші күні мерекесіне орай» мемлекеттік қызмет органдарының 20 жылдығын ұлықтау аясында 14 күнге созылған мемлекеттік қызметкерлер арасындағы сайыс мәреге жетіп, жеңімпаз командалар анықталды. Шараның мақсаты – мемлекеттік қызметшілер арасында салауатты өмір салтын құрудағы маңызды фактор болып табылатын дене шынықтыру мен спортты дамыту әрі дәріптеу болды. Екі жұма бойы мемлекеттік қызметшілер түрлі сайыстардан бақтарын сынады. Нәтиже бойынша облыстық соттың құрама командасы шағын футболдан, веложарыстан және волейболдан жүлделі 1 орынды иеленді. Сайыс қорытындысы бойынша жеңімпаздар дипломдар және бағалы сыйлықтармен марапатталды. 
