БҒМ қандай ұстаздардың жалақысына үстемақы қосылатынын түсіндірді
Бүгін Астанада өткен баспасөз мәслихатында ҚР Білім және ғылым вице-министрі Асхат Аймағамбетов Елбасы Жолдауында айтылғандай жаңа аттестациялау жүйесін енгізугенде қандай санаттағы мұғалімге үстеме жалақы төленетіні туралы айтты.Журналист сауалына жауап берген вице-министр Асхат Аймағамбетовтің айтуына қарағанда, қазіргі кезде біліктілікті растаудың жаңа жүйесі әзірленіп жатыр.
Сонымен қатар, ұстаздар өз қалауымен жаңа жүйеге сәйкес біліктіліктерін көтеріп, жаңа кесте бойынша үстемақы алуына да мүмкіндік бар."Жаңа жүйе екі кезеңнен тұрады. Алдымен педагогтар ұлттық біліктілік тестін тапсырады. Одан кейін педагог қызметінің қорытындыларын кешенді жалпылау жұмысы жүргізіледі. Осылайша, өз біліктілігін дәлелдеген ұстаздың еңбекақысы 20-50% аралығында көбейетін болады. Ал өткен жылы немесе одан бұрынғы жылдарда өз біліктілігін растаған ұстаздар үшін үстемақының ескі жүйесі сақталатын болады. Қазіргі заңнамаға сәйкес, бұл біліктіліктер 5 жылға дейін жарамды және заңды ешкім өзгертпейді. Сондықтан, барлық ескі санаттар мен оларға тағайындалған үстемақылары сақталады», - деді Асхат Аймағамбетов.
