ЖҰЛДЫЗЫ БИІК ЖЫР-ЖаҺАН
Ә.Тәжібаев атындағы облыстық әмбебап кітапханада қазақ поэзиясының аса көрнекті шебері, драматург және белгілі әдебиет зерттеушісі, жерлесіміз Әбілдә Тәжібаевтың шығармашылығына арналған «Жұлдызы биік жыр-жаһан» атты жыр кеші өтті.
Тағылымды шара Ә.Тәжібаев туралы деректі фильмнен бастау алды. Сонымен қатар «Qyzylorda» телеарнасының қызметкері, ақын Т.Қабылша, Қорқыт ата атындағы Қызылорда мемлекеттік университетінің «Қазақ тілі мен әдебиеті және журналистика» кафедрасының оқытушысы С.Жүзеев қатысып, Ә.Тәжібаев туралы естеліктер айтып, жырдан шашу шашты. Ал «Жауқазын – ғұмыр» клубының мүшелері М.Маратқызы, Г.Мұқашева, М.Мәметова атындағы гуманитарлық колледжінің студенті Б.Назар ақынға арнаған өлеңін оқыды. Сондай-ақ, қатысушылар ақын шығармашылығын насихаттайтын ерекше үлгідегі көрме – экспозицияны аралап, ақынның өзі тұтынған дүниелерін, жазған хаттары мен мұрағаттағы суреттерін тамашалады.
