АҚЫН АҚИҚАТЫ
Ә.Тәжібаев атындағы облыстық әмбебап ғылыми кітапханасында әдеби кеш өтті. Абономенттік қамтамасыз ету секторы қызметкерлері жазушы, журналист, драматург, халықаралық "Алаш" сыйлығының иегері, Қазақстан Жазушылар одағының мүшесі Қомшабай Сүйеніштің 80 жылдығына арнап кеш өткізді.
Шараның басты мақсаты – Қомшабай Есіркепұлының өнегелі өмір жолы мен шығармашылық мұрасын оқырман жадында қайта жаңғырту. Әдеби кешке Қорқыт ата атындағы ҚМУ-дың филология ғылымдарының кандидаты Айман Айтбаева, Күлшат Қамзаева, және қалалық Қызмет колледжінің студенттері қатысты. Кеш барысында студенттер ақынның өзекжарды өлеңдерін оқып, Қомшабай Есіркепұлының туындылары топтастырылған «Көркем сөздің хас шебері» атты кітап көрмесімен танысты.
