Бояулар сыр шертеді
Ә.Тәжібаев атындағы облыстық әмбебап кітапханада өнер бөлімінің ұйымдастыруымен «Бояулар сыр шертеді» атты тақырыпта танымдық кеш өтті. Шараға сурет үйірме жетекшілері, әуесқой суретшілер мен студенттер қатысты.
Шараның мақсаты – жастарды сурет өнерінің қыр-сырымен таныстырып, қызығушылығын ояту. Танымдық кеште отандық танымал және шетелдік суретшілердің үздік картиналарының көшірмелері ұсынылды. Сурет үйірмесінің жетекшісі Баян Нұрмағанбетқызы және облыстық филармония жанындағы сурет үйірмесінің мұғалімі Нұрбек Серікбайұлы әр туындының мазмұндық сипатын түсіндіріп, жастарға бейнелеу өнерінің өміршеңдігі жайында мағлұмат айтты. Басқа да қылқалам шеберлері түрлі картина авторының еңбектеріне қысқаша шолу жасады. Осылайша жастар әлемдік картиналардың сырын ұғып, қызығушылық танытты.
