Қорада тұрады, қалада оқиды.
 (Оқуға  түсіргенде аталған мал)
***
Зарығып  жетесің,
Заматында айырыласың.
 (Айлық)
***
Ұйықтағаны үшін айлық алатын адам.
 (Қарауыл)
***
Таныса қолын, танымаса таяғын көтереді.
 (МАИ инспекторы)
Тілі екеу, ирелеңдеп жүгіреді.
 (Өз тілін менсінбейтін жастар)
***
Келесі жұмбағымның жөні бөлек,
Сен түгіл таба алмайды мемлекет.
 (Бағаны тұрақтандыру)
***
Өзі сары, көзі көк, көше сайын кезігед(і).
 (Такси)
***
Қалт-құлт етеді, қылтылдап тұрып-ақ түбіңе жетеді.
 (Базардағы таразы)
***

• Сүйегі қазақтікі,
• Еті қытайдікі,
• Өсегі өзбектікі,
• Төсегі өзге ұлттыкі.
• ( қонақ үй)

***
Маң-маң басқан, маң басқан,
Орындығын шаң басқан,
Күтушісін ой басқан.
Айдаушысы конешкіде,
Сарт-сұрт қарта ойнасқан.
Бұл не деген жануар?
(№ 22 автобус)
***
Ұшарын  жел де білмейді, ел де білмейді.
Қонарын я сай біледі,
Я ай біледі.
 (Байқоңыр операциялары)
***
Көрді. Көңіл қосты. Ажырасты.
(Мағынасыз махаббат)
***
Іші толған қыз,
Сырты толған із.
(Жатақхана)