КІТАП ПАТШАЛЫҒЫНДАҒЫ МЕРЕКЕ
Ә. Тәжібаев атындағы облыстық әмбебап ғылыми кітапханасында Халықаралық балалар кітабы күніне орай «Кітап патшалығындағы мереке»атты салтанатты шара өтті.
Балаларды кітап оқуға қызықтыру мақсатында Ә.Мүсілімұлы атындағы №101 мектеп-лицейдің оқушылары мерекені флешмобпен ашып, Б. Гриммның «Қызыл телпек» ертегісін сахналап, ән мен жырдан шашу шашып, көрермендердің ықыласына бөленді.
Шараға қаламыздағы мектеп оқушылары қатысты. Шара соңында қатысушылар баланыңдүниетанымын кеңейтетін, ақыл-ойын дамытып, шығармашылық қабілетін шыңдайтын «Кітап арқылы ашылған сырлы әлем» атты кітап көрмесімен танысты. Көрмеге 300-ге жуық балалар әдебиеті қойылды.
