ЖЕРЛЕСІМІЗ ЖОБА ЖЕҢІМПАЗЫ
«Qazaqstan» ұлттық телеарнасында «Жүрсіннің жүйріктері» жобасының ақтық мәресі өтіп, жеңімпаздар анықталды. Бұған дейін ақындар арнайы тақырып бойынша айтысып, жан-жақты қырынан танылған болатын. Айтыскерлер ақтық мәреде еркін тақырыпта айтысты. Рүстем Қайыртай пен Ержан Әміров ІІ және ІІІ орын үшін өзара мықтыны анықтаса, Мұхтар Ниязов пен Дидар Қамиев бас жүлде үшін сөз додасына түсті. Осылайша, «Жүрсіннің жүйріктері» жобасында бас жүлде жерлесіміз Мұхтар Ниязовқа бұйырды. І орынды Дидар Қамиев, ІІ орынды Рүстем Қайыртай ІІІ орынды Ержан Әміров иеленді.
«Жүрсіннің жүйріктері» жобасы ежелден қалыптасқан айтыс өнерін шоу қойылым арқылы жаңа биікке көтеріп, жастар арасында айтыс өнерінің, ақындардың оң имиджін қалыптастырған мега-жоба ретінде танылды.
