Шиелі ауданына Қызылорда облысының жастар саясаты мəселелері басқармасының басшысы Жанұзақов Қуаныш Қуантқанұлы жергілікті жердегі мемлекеттік жастар саясатының жүзеге асыру барысымен танысу мақсатында бір күндік іс-сапарда болды. Қуаныш Қуантқанұлы аудан әкімінің орынбасары Т.Жағыпбаровтың қабылдауында болып, «Нұр Отан» партиясы Шиелі аудандық филиалы ғимаратында облыс әкімі Қ.Е.Көшербаевтың тапсырмасына сәйкес Ресей федерациясы Үкіметінің бюджеті есебінен білім алып, биылғы бітірген түлегі Бауыржан Сұлтан-Мұрат және ата-анасымен жұмыспен қамту мәселесі бойынша кездесті. 
Сонымен қатар Ресейде оқып бітірген студенттерді жұмыспен қамту мәселесі бойынша «Гежуба Шиелі Цемент Ко» ЖШС –нің сала мамандарымен кездесіп, бітіруші түлектерді жұмысымен қамтуға, жатаханамен қамтамассыз етуге келіссөз жүргізді.