ИНВЕСТИЦИЯ ЖАСАУҒА ШАҚЫРДЫ
Қызылордада жер қойнауын пайдаланушыларымен кезекті кездесу өтіп, мұнай-газ саласын дамыту мәселелері талқыланды, атап айтқанда, мұнай өндіруді, экспортты және компаниялардың әлеуметтік міндеттемелерін арттыру мәселесі сөз болды.
Шарада облыс әкімі Сыр өңірі өзге аймақтарға қарағанда әлемдік мұнай бағасының төмендеуінен ең үлкен зардап шеккенін, осы мақсатта мұнай өндіруде жаңа технологияны енгізудің, мұнай өндіру көлемін арттырудың маңызын атап өтті.
– Табыстарыңыз ең алдымен акционерлердің дивидендіне емес, мұнай-газ саласын әрі қарай тұрақтандыру және дамытуға бағытталуы тиіс. Компанияларға әлеуметтік саясатты қайта қарап, бұрынғы әлеуметтік міндетін қайта алу керек, – деп қорытындылады облыс әкімі.
