ЗАМАНАУИ ХОРЕОГРАФИЯ
«Астана опера» көрермен назарына «Заманауи хореография кешін» ұсынады. Әлемге әйгілі қоюшы балетмейстерлер – Раймондо Ребек (Германия) пен Ксения Зверева (Ресей/Швеция) би тілі арқылы уақыт ағымы мен ғашық жандар жайлы таңғажайып оқиғаны өрнектейді. Мәдениет және спорт министрлігінің қолдауымен Астананың 20 жылдығы аясында өтетін бұл жоба бесінші театр маусымының шымылдығын жабады.
«Заманауи хореография кеші» екі бөлімнен тұрады. Раймондо Ребектің «Қазіргі сәт қанша уақытқа созылады?» деп аталатын балеті уақыт пен оның жекелеген сәттері туралы пәлсапалық ой толғайды. Бұл балетте бишілердің үш жұбы адам өмірінің әр кезеңін бейнелейді. Дарынды хореограф уақыт ағымы мен оны сезіне білу мәселесін хореографиялық әдістер арқылы зерттеуге талпынған.
