Бір тәуліктен бері 140 адам Ақтаудан Антальяға ұша алмай жатыр
Sunkar Air әуе компаниясының Ақтау-Анталья бағытындағы рейсі кесте бойынша 30 шілде таңғы 7.00-де ұшуы тиіс болған. Алайда жолаушылар бір күн бойы ұша алмай отыр.
«Әуе компаниясы рейсті бірнеше рет кейінге қалдырды. Компания өкілдерінің бізге келмегені таңғалдырды. Ешкім түсіндіре алмайды. Бізге ұшамыз ба, жоқ па айта алмайды. Бізді осындай түсінбестік үшін әуежайда ұстап отыр. Тіпті өз қаражатымызбен екі рет әуежайға келіп-кеттік. Бізге су да, тамақ та берген жоқ. Мұнда 150 адам бар, оның 40-ы - бала. Бүгін таңертең 22.00-де ұшатынымызды айтты», - деді жолаушылардың бірі.
Ал Sunkar Air әуе компаниясының директоры Талғат Жолдыбаев рейс техникалық проблемалар болған соң кешігіп жатқанын айтты.
