«Болашақ» стипендиясының жүзеге асырыла бастағанына – 25 жыл
«Болашақ» стипендиясының жүзеге асырыла бастағанына 25 жыл толуына орай «Адами капитал-жаңғыру негізі» атты халықаралық форум өтеді.
«Бүгінде осы бағдарлама шеңберінде даярланған 10 мыңнан астам жоғары білікті маман отандық экономиканың барлық саласында еңбек етіп келеді. «Болашақ» стипендиясы іске асырылған жылдар ішінде қазақстандық білімнің брендіне айналды және халықаралық аренада кеңінен танылды» - дейді ұйымдастырушылар. Форум шеңберінде ел экономикасының түрлі салаларындағы проблемалық мәселелер көтеріліп, «Болашақ» бағдарламасы түлектері тарапынан оларды шешу жолдары ұсынылады.