Global Sports Salaries компаниясы бірқатар зерттеулер жүргізіп, әлем бойынша барлық чемпионаттардағы футболшылардың жалақысын анықтады, деп хабарлайды Sports.kz. Бұл тізімде Қазақстан Премьер-Лигасы да бар. Global Sports Salaries дерегі бойынша, Қазақстан Премьер-Лигасының негізгі құрамының футболшысы орта есеппен жылына 148 513 доллар (айына 12 376 доллар) табады. Осы көрсеткіш бойынша ҚПЛ әлемде 25-орында тұр. Футболшыларға берілетін ақы бойынша Англия көш бастап тұр - жылына 3 935 197 доллар. Сондай-ақ, үздік үштікте Испания - 2 896 151 доллар және Италия - 1 999 865 доллар бар. Қазақстан чемпионаты Оңтүстік Корея, Аустралия, Польша, Хорватия және басқа лигалардан жоғары орында.