«BAIKONYR INVEST» Х халықаралық инвестициялық форумы өтеді
Іс-шара 3-4 желтоқсанға жоспарланып отыр. Форумның тақырыбы: «Жасыл» экономика – өңірді дамытудың жаңа бағыты» деп хабарлайды облыс әкімінің баспасөз қызметі.
Форум спикерлері: Француз Республикасының сенаторы Пьер Кабарэ, ҚР Ақпарат және коммуникация вице-министрі Дарын Тұяқов, ҚР Инвестициялар және даму министрлігі Инвестиция комитетінің төрағасы Ерлан Хаиров, «Халықаралық жасыл технологиялар және инвестициялық жобалар орталығы» ҰАҚ басшысы Рапиль Жошыбаев және басқалар.
«Форумның негізгі мақсаты – шетелдік және отандық инвесторлардың өңір компанияларымен өзара тиімді әріптестік орнату, инвестициялық жобаларды іске асыру, өңір экономикасын әртараптандыру мен жаңғырту үшін бизнес, ғылым және билік өкілдерінің күш-жігерін біріктіру», - дейді облыс әкімінің орынбасары Евгений Ким.
Форумның ақпараттық серіктесі – «Sputnik Kazakhstan» АА.
Биылғы форумның негізгі тақырыбы жаңа технологиялар мен «жасыл кластерлерді» енгізу және өңірдің табиғи әлеуетін жаңартылатын энергетика, ауыл шаруашылығы, су ресурстарын басқару, қалдықтарды пайдаға асыру және басқа да секторларда пайдалану мәселелерін талқылау болмақ.
Форумға Испания, Франция, Болгария, Қытай, Корея, Түркия, Ресей, Өзбекстан және өзге елдерден ресми тұлғалар мен бизнес-құрылымдардың өкілдері қатысады деп жоспарлануда.
Форум аясында пленарлық отырыс және 4 секцияның жұмысы өтеді. Мұнда ЖЭК бойынша жобаларды енгізу мәселелері, ТКШ энерготиімділік, қалдықтарды басқару жүйесін жетілдіру, «Цифрландыру. Smart city», АӨК-дегі «Жасыл технологиялар», су және жер ресурстарын басқару жүйесін жетілдіру, «Жасыл экономиканы дамытуда МЖӘ тетіктерін қолданудың жаңа мүмкіндіктері» қаралады.
Шара барысында инвестицияларды қажет ететін жобалар көрмесі, В2В, G2B, G2G форматындағы кездесулер, сондай-ақ, бірқатар меморандумдар мен келісімдерге қол қою рәсімі ұйымдастырылады.
Дәстүр бойынша, облыс әкімдігі арнайы қатысушылар үшін «Байқоңыр» ғарыш айлағына «Союз-МС» зымыранының ұшырылуын бақылауға экскурсиялық тур ұйымдастырады.
Форум модераторы - BBC World News коммерциялық өкілдігінің басшысы Сергей Становкин.Форум спикерлері: Француз Республикасының сенаторы Пьер Кабарэ, ҚР Ақпарат және коммуникация вице-министрі Дарын Тұяқов, ҚР Инвестициялар және даму министрлігі Инвестиция комитетінің төрағасы Ерлан Хаиров, «Халықаралық жасыл технологиялар және инвестициялық жобалар орталығы» ҰАҚ басшысы Рапиль Жошыбаев және басқалар.
«Форумның негізгі мақсаты – шетелдік және отандық инвесторлардың өңір компанияларымен өзара тиімді әріптестік орнату, инвестициялық жобаларды іске асыру, өңір экономикасын әртараптандыру мен жаңғырту үшін бизнес, ғылым және билік өкілдерінің күш-жігерін біріктіру», - дейді облыс әкімінің орынбасары Евгений Ким.
Форумның ақпараттық серіктесі – «Sputnik Kazakhstan» АА.
