Үстел теннисін ойнауды жаны қалайтындар үшін жағымды жаңалық. Лас-Вегас қаласында өткен Тұрмыстық электроникаға арналған халықаралық көрмеде ойынның бұл түрін жетік меңгерген құлтемір таныстырылды. Аппарат пинг-понгтың қыр-сырын біліп қана қоймай, қарсыласын жаттықтыра алады. Роботқа Форфеус деген атау берілген. Құрастырушылардың айтуынша, ол ракеткамен секундына 80 рет соққы жасай алады. Оған қоса жасанды түйсіктің көмегімен қарсыласының қай бұрышқа соққы бағыттайтынын бақылайды. Айта кетейік, Тұрмыстық электроникаға арналған халықаралық көрме Лас-Вегаста 1967 жылдан бері дәстүрлі түрде өткізіліп келеді. Кит Керстен, маркетинг бойынша менеджер:   – Ойын барысында робот қарсыласының деңгейін анықтай алады. Осының арқасында, егер шеберлігің төмен болса, соған сай ойын өрнегін көсетеді. Шеберлігің шыңдалған сайын ол да жылдамдығын арттыра түседі. Осылайша спортшының деңгейі жоғарылайды.