Арыстағы жарылыс: Зардап шеккендер саны 40-тан асты
Жарылыстан жалпы саны 46 адам, оның ішінде 5 бала зардап шеккен.
34 адам Түркістан облыстық ауруханасына жеткізілді.
Түрлі жарақат алған 7 ересек пен 5 бала медициналық көмек алу үшін ауруханаға келген.
Дәрігерлер балаларды тексеріп, оларды облыстық ауруханаға жіберді.
Белгілі болғандай, тағы бір адам жансақтау бөлімінде жатыр. Дәрігерлер оның халі ауыр деп бағалауда.
Еске сала кетсек, бүгін, 24 маусымда, сағат 9:20-да Арыс қаласында жарылыс болғанын хабарлаған едік. Оқиғаға қатысты Қорғаныс министрлігі пікір білдіріп, мән-жайды түсіндірді.
Тұрғындарды көшіру үшін қалаға 40 автобус тартылды. Түркістан облысы, Шымкент қаласы әкімдігі мен ТЖК тиісті шараларды атқарып жатқанын мәлімдеді.
Түркістан облысының әкімі Өмірзақ Шөкеев өңірде төтенше жағдай жариялады. Қала тұрғындары толықтай эвакуацияланады.
