Қазақстан кубогының екі дүркін жеңімпазы қызылордалық «Қайсар» футбол клубы сатылымға шықты. Командаға қызығушылық танытқандар 104 миллион теңгеге сатып алып, меншіктей алады. Дегенмен клуб жаңа иесіне толыққанды берілмейді. Яғни акцияның 51 проценті сатып алушыға тиесілі болса, 49 проценті бәз баяғыша мемлекеттің меншігінде болмақ. Бір сөзбен қорыта айтқанда, сенімді басқаруға ұсынылады.

«Сауда-саттық түрі: сатып алу құқығымен сенімгерлік басқаруға беріледі. Бастапқы бағасы - 104 миллион 223 мың теңге, кепілді жарна – 15 миллион 633 мың 450 теңге, аударылған үлес - 3 миллион 546 мың 81 теңге» делінген мемлекеттік мүлік тізімінің электрондық сауда алаңында шығарылған ақпаратта.

Қазір «Қайсар» Қызылорда облысының дене шынықтыру және спорт басқармасының қол астында екенін айта кетейік.