Жастар арасында дзюдо күресінен 4-8 наурыз аралығында ел чемпионаты өтеді. Қазақстанның 14 облысынан ең үздік балуандар өзара мықтыны анықтау үшін Талдықорған қаласында бас қосады. Бұл турнирдің басты ерекшелігі – 1998-1999 жылы туған спортшыларды халықаралық турнирлерге іріктеу. Байрақты бәсекеде облыс намысын қорғайтын спортшының бірі – Адия Сайын. 44 келіде бақ сынайтын спортшы биік тұғырдан көрінсем дейді.

 – Соңғы жылдары дзюдо спорты қарқынды дамуда. Аталмыш спорт түрімен айналысушылар саны да едәуір артқан. Бәсекелестік те жоғары. Жетісу жеріндегі жарысқа жан-жақты дайындалудамыз. Бұрын жаттығу екі сағат болса, біріншілік жақындаған сайын жаттығуды арттырып, 3 сағатқа создық. Облыс намысы үшін аянып қалма. Талдықорғандағы  турнирде төрге шығуды көздеймін, - дейді ол.